Musica di: VINCENZO VALENTE
Testo di: DI GIACOMO SALVATORE
Note storiche: Pubblicata nella Piedigrotta Bideri 1894

Versi:
“Dimane a ssera, aspettame – ll’atriere mme diciste –
sotto a chillo tal’arbere ca saie fatta truvà.”
Io t’aspettaie, credennote, ma tu nun ce veniste,
e io, scema, nfino a ll’urdemo nun me muvette a llà.

Vedevo ‘o sole scennere d’ ‘a parte d’a marina
e comme’ a ll’oro lucere ‘o cielo nnanze a me:
doce comm’a nu barzaruo ll’aria gentile e ffina
passava e, ntrattenènnese, m’addimannava ‘e te…”